No er me i Baños, Ecuador, og det trur eg er ein av dei finaste stadane me har vore til no. Baños er ein smaaby som ligg rett under ein aktiv vulkan, noko som gjer at den har fleire varme kjelder det er supert aa bade i. Naturen her er veldig valdsam, masse hoege fjell og store fossar. Faktisk er vulkanen meir aktiv enn han har vore paa lenge, gjer at mange kjem hit for aa sjaa utbrotet. Byen er veldig prega av mykje turisme, anten folk som kjem for aa bade i kjeldene (mange pensjonistar) eller folk som nyttar byen som utgangspunkt for friluftsaktivitet. Paa kvart hjoerne er det turoperatoerar, ein kan velje og vrake i gjeremaal.

I gaar stod Sig og eg opp kvart paa sju (!!) for aa bade i dei varme kjeldene foer me for paa sykkeltur. Det er ei veldig vanleg rute aa sykle herifraa til ein by som heiter Puyo og ligg 60 km unna, 1200 hoegdemeter laagare. Bilvegen gaar gjennom ein fantastisk dal, og paa vegen kan ein kjoere fleire taubanar, sjaa enorme fossar i jungelen og hoppe i strikk. Me hoppa ikkje i strikk, men me tok taubane, stoppa mykje og sykla litt over halvvegs til Puyo - ein sjukt fin tur.

I dag har eg ridd (!) til eit utkikkspunkt over byen, tok fire timar, brukte nokre nye musklar daa, medan Sigurd no er paa ettermiddagstur med firhjuling med to andre norske gutar fraa hostellet. Rituren var ei blanda oppleving - fantastisk natur, men eg foelte meg ikkje veldig trygg daa guiden ville at me skulle galoppere opp bakkane. I morgon har me planar om aa dra paa rafting - spanande (skal vere forsiktige, mamma og pappa :).

Til no har Baños vore fantastisk bra, alltid noko aa gjere. I tillegg bur me paa eit bra, billig og sosialt hostell, saa det kan nok hende at me blir her ei stund.